Tommaso Campanella, De sensu rerum, p. 75
Caput XX.
Memoriam in sentiente spiritu
reponendam, eundemque
sentire et recordari.
~ Has opiniones in suo loco
reprobavimus: hic non repetam,
nisi quae utilia sunt ad probandum sensum
omnibus
inesse rebus, et has animae partes vel animas, non esse nisi
diversos
operandi et cognoscendi modos eiusdem virtutis,
non autem animas diversas. Memoriam
esse sensum anticipatum
iam diximus: Eas enim modo res recordamur, quas sensimus.
Eadem
ergo virtus sentit species servatque: Attamen et demonstravimus
sensum
immutatione fieri et non informatione. Ergo species non servantur
sed motiones.
Patet autem quoniam cum recordamur rei dolorificae
aut laetae, aut stomachosae,
renovatur in nobis dolor et laetitia,
aut nausea, sed non ita fortiter, quoniam
obiectum non praesens movet,
sed sicut cicatrix quasi remansit, idcirco nunquam
recordatur alicuius
rei animal, nisi cum sentit rem similem illi, quoniam iterum
patitur
consimiliter. Quot autem sunt similitudines, tot sunt
reminiscentiae:
hoc est, similitudo substantiae, temporis, loci, actionis,
passionis,
operationis, figurae, temperiei, accidentis; et similitudo
differentiarum,
et similitudo adhuc similitudinem invenitur. Sensus ergo
recipit
passionem, et in sensu excitatur et renovatur, id est, in spiritu
sentiente.
Et haec renovatio est reminiscentia: retentio vero memoria.
Nec
propter hoc sit aliud a sensu, quoniam in sensu non remanet
passio absente objecto,
ut in memoria. Nam manifeste remanet, et licet
color in oculo non sit, est tamen
eius affectio in spiritu, qui est in
oculo, et in cerebro. Neque enim oculus est
sensus, sed spiritus. Vere
etiam animalia multa plus sentiunt, quam recordantur, et
hoc in genere
hominum quoque invenitur, ut non putemus aliorum esse
generum
sentire et memorare. Qui enim spiritu valde tenui calidoque
sunt,
sentiunt percipiuntque subito omnia, quoniam tenuitas facile
patitur. Sed non
remanet motio; cum quia a succedentibus motionibus
facile deletur; tum quia continuo
spiritus foras exhalat, sicut
flamma de candela, et quae intelligit sensitque,
communicare succedenti
spiritui, qui etiam ex sanguine vaporeque continuo fit, non
vacat:
Ita quod proprij motus cum eo evanescunt. Hoc autem patet in
phreneticis
a calefacto cerebro perdentibus memoriam; plerique
etiam in gravi aegritudine totam
amittunt scientiam; Vehemens enim